Dhjetëra qytetarë nga e gjithë Shqipëria, por jo vetëm, kanë pushtuar qendrën e Elbasanit ditën e sotme Ditën e Verës.
Aktivitetet kanë nisur në qytetin kryesor të festës, që mbrëmjen e djeshme duke vazhduar dhe sot në sheshin e Elbasanit me ballokume, muzikë live, produkte artizanale dhe ushqime tradicionale të zonës.
Kreu i PD, Sali Berisha ka marrë pjesë në festtimet në shehsin kryesor të Elbasanit ku mbajti një fjalë para mediave. Berisha uroi gëzuar Ditën e Verës, ndërsa bëri thirrje për të votuar në 11 maj.
“Qytetarë të Elbasanit dhe mbarëshqiptarë ju uroj nga zemra gëzuar këtë festë. Më të lashtën, më të bukurën e festave, festën e ndërrimit të natyrës. Festën e ftesës. Dita e Verës e gjen Elbasanin, shqiptarët me optimist në ndryshimin e madh më 11 maj. 11 maji ose kjo ditë frymëzon çdo shqiptar që më 11 maj të ndahet nga ky regjim që i varfëroi ata gjerë në palcë.
Dua t’ju premtoj shqiptarëve se tre muaj e parë, ajo që e kemi quajtur paketë e dhembshurisë do nxjerrë çdo shqiptar nga varfëria ekstreme. Do kenë minimumin jetik 200 euro. S’do ketë pensionistët me pension nën 200 euro. Do bëhet një shpërndarje e re. Do ketë një rrogë minimale 25% më shumë se sot. 1200 euro do jetë rroga mesatare.”
Berisha u pyet nga gazetarët në lidhje me largimin e Dash Sulës pasi u la jashtë në listë.
“Sa i përket deputetit që thatë ju, ai bëri zgjedhjen e tij, midis betejës në sheshin e burrave zgjodhi Tikun dhe shkoi në punën e vet, nuk kam çfarë të them bëri gabim por prapë ka kohë ta mendojë.”
