Ditën e sotme, vendi ynë do të mbetet nën mbizotërimin e vranësirave dhe shirave të dobët në Ultësirën Perëndimore, ndërsa rrebeshe shiu priten në zonat veriore dhe veriperëndimore.
Pasdite, vranësirat dhe shirat do të shtohen në pothuajse të gjithë territorin, ku shirat më të dendur do të përfshijnë zonat veriore dhe pjesërisht qendrore, ndërsa në jug, do të kemi momente me pika shiu.
Temperaturat e ajrit pritet të rriten si në mëngjes, ashtu edhe në mesditë, ku vlerat do të jenë nga 6°C në Bulqizë deri në 22°C në Durrës dhe Sarandë. Era do të jetë mesatare deri e fortë, duke arritur shpejtësinë maksimale mbi 55 km/h nga drejtimi Jugor. Për pasojë, në brigjet detare pritet të krijohet dallgëzim 4 ballë.
