Kryeministri Edi Rama është distancuar edhe njëherë nga zyrtarët socialistë nën hetim nga SPAK. Ai tha se partia nuk jep llogari për shkeljet e dikujt dhe është në krahun e drejtësisë.
Rama: Hetimet e SPAK i solli përpjekjet tona dhe të PS për të bërë reformën në drejtësi. Për ta pastruar llumin. Për të bërë të pamundshmen. Për ti dhënë shpatën e ndëshkimit drejtësisë dhe për tja hequr politikës. I hapëm rrugë një historie të re. Dhe vë dhe qafën e pushtetit në dispozicion nëse duhet. Ne kemi probleme me cilësinë e drejtësisë, po janë probleme të rritjes. Por këto hetimet që thoni ju, nuk ulin reputacionin tim. Por tregojnë ambicien time për të pasur një vend të drejtë. Nuk ka vend në botë që të ketë fituar imunitet nga X apo Y për të futur dorën aty ku sduhet. Partia në pushtet nuk jep llogari pse njëri apo tjetri futën duart ku nuk duhet. Por jep llogari për mënyrën si reagon. Ne kemi bërë zgjedhjen tonë. Jemi në krahun e drejtësisë. Por qëndrimet tona do i themi me zë të lartë. Gjykatat nuk mund të noterizojnë çdo gjë që thotë prokuroria.
