Një rreng televiziv ndaj ish-banorit të “Big Brother VIP Albania 4”, Zebërvoki, mori një kthesë të papritur kur ai reagoi në mënyrë agresive në tentativë për t’u vetëmbrojtur.
Në videon e publikuar nga formati “Andale”, tre aktorë të maskuar si fansa të reperit Gjesti, i cili gjithashtu ka qenë pjesë e BBVIP, iu afruan Zebërvokit teksa ai ndodhej në një lokal. Gjërat u tensionuan shpejt dhe situata degjeneroi në përleshje fizike.
Sipas pamjeve, Zebërvoki e nxori armën, ndërsa aktorët e “Andale” u përpoqën ta qetësonin duke i thënë se ishte një shaka.
Një detaj interesant është se Zebërvoki, me emrin e vërtetë Marius Dervishi, është jo vetëm një personazh i njohur në televizion, por edhe punonjës i Policisë së Shtetit. Përveç kësaj, ai ka një përvojë të gjatë si aktor dhe autor filmash në kinemanë shqiptare.
