Përvjetori i sulmit terrorist të 7 tetorit në Izrael erdhi mes përshkallëzimit të vazhdueshëm në shumë fronte. Një cikël i ri dhune, urrejtjeje dhe hakmarrjeje ka përfshirë gjithnjë e më shumë të gjithë Lindjen e Mesme, duke e çuar rajonin në prag të një lufte gjithëpërfshirëse, thotë Përfaqësuesi i Lartë i BE-së Josep Borrell.
“Në këtë kontekst të rrezikshëm, vdekja e Yahya Sinwar duhet të jetë një pikë kthese,” vë në dukje ai, duke theksuar se viktima ishte një terrorist i shpallur në BE, përgjegjës për sulmin e 7 tetorit dhe një nga penguesit për lirimin pa kushte të të gjithë pengjeve.
“Tani duhet t’u jepet fund luftërave në Gaza , Bregu Perëndimor dhe Liban, pengjet duhet të lirohen dhe vuajtjet e popullit palestinez duhet të marrin fund”, theksoi Josep Borrell .
Bashkimi Evropian ka ofruar mbi 330 milionë euro ndihmë humanitare për Gazën në 2023 dhe 2024 dhe më shumë se 60 fluturime ajrore humanitare janë dërguar dhe Njësia e Mbrojtjes Civile është aktivizuar më shumë se dhjetë herë që nga 7 tetori. Së bashku me shtetet anëtare, BE-ja është donatori më i madh i ndihmës humanitare për Gazën.
Ndalimi i vetë organizatës, UNRWA, e cila siguron që refugjatët palestinezë të marrin arsim dhe kujdes shëndetësor cilësor, do të përkeqësojë një situatë tashmë të tensionuar, me pasoja negative jo vetëm për palestinezët, por edhe për Izraelin dhe në fund të fundit Evropën
