Krujë-Zbardhet autorësia e vënies së një sasie lënde plasëse, në murin rrethues të një biznesi në Fushë Krujë, ngjarje kjo e ndodhur 2 ditë më parë.
Policia ka identifikuar dhe shpallur në kërkim autorin e dyshuar 26-vjeçari, banues në Krujë, ndërsa është sekuestruar edhe automjeti me të cilin ky shtetas ka lëvizur gjatë kryerjes së krimit.
Nga shpërthimi në murin rrethues të dyqanit, në Fushë Krujë, u shkaktuan dëme të vogla materiale.
“Në vijim të veprimeve procedurale, 26-vjeçari u shpall në kërkim, për veprat penale “Shkatërrimi i pronës me eksploziv” dhe “Mbajtja pa leje dhe prodhimi i armëve, armëve shpërthyese dhe i municionit”. Punohet intensivisht për lokalizimin dhe ndalimin e tij.”, thuhet në njoftimin e policisë.
Materialet procedurale iu referuan Prokurorisë së Tiranës, për veprime të mëtejshme.
