Policia ka arrestuar një 51- vjeçar në Durrës, i cili ka kanosur djalin e tij me iniciale Xh.K përmes mesazheve telefonike.
Menjëherë pas trasmetimit në emisionit “Stop”, specialistët e Stacionit të Policisë Manzë janë organizuar për kapjen dhe nxjerrjen përpara përgjegjësisë penale 51-vjeçarin me iniciale S.K, i cili akuzohet për veprën penale “Dhuna në familje”.
Njoftimi i policisë:
Drejtoria Vendore e Policisë Durrës
Kanosi seriozisht për jetën, djalin e tij, kapet dhe vihet në pranga 51-vjeçari.
Menjëherë pas transmetimit në emisionin “Stop”, të rastit të shtetasit Xh. K., i cili ishte kanosur me mesazhe telefonike, nga babai i tij, shtetasi S. K., 51 vjeç, banues në fshatin Shkafanë, Durrës, specialistët e Stacionit të Policisë Manzë kanë organizuar punën për kapjen dhe nxjerrjen përpara përgjegjësisë penale, të 51-vjeçarit.
Si rezultat, shtetasi S. K. u kap dhe u vu në pranga, për veprën penale “Dhuna në familje”, sipas parashikimit të nenit 130/a/2 të Kodit Penal.
