Një ribashkim mes Neymar dhe Barcelona-s duket se nuk do të ndodhë, me klubin që synon të nënshkruajë një sulmues shumë më të ri si përforcim.
Sipas Mundo Deportivo, Barcelona nuk ka në plan të ndjekë një rikthim për Neymar, pavarësisht raporteve për të kundërtën.
Blaugranat aktualisht nuk po tregojnë dëshirë për t’u ribashkuar me një nga sulmuesit e tyre më të mirë ndonjëherë për shkak të moshës së tij dhe ‘nivelit aktual të paraqitjeve të tij’.
Ata po lëvizin në një drejtim tjetër dhe prioriteti i tyre kryesor për verën mbetet Alexander Isak i Newcastle, i cili vlerësohet në 150 milionë sterlina.
Raporti nga Mundo Deportivo gjithashtu zbulon se opsioni për rikthimin e Neymar ka qenë në dispozicion në vitet e mëparshme, por nuk u ndoq kurrë.
Për më tepër, trajneri i Barçës, Hansi Flick, beson se braziliani nuk do të përshtatej mirë me sistemin e tij aktual.
Si i tillë, klubi ka përzgjedhur gjithashtu dy sulmues të majtë, të cilët mendohet se do t’i jepnin një dimension tjetër sulmit të tyresi Luis Diaz të Liverpool-it dhe Rafael Leao të Milan-it.
