Mund të thuhet pa frikë, Arsenal “pret” biletën për në çerekfinalet e Champions League, pas fitores 1-7 në transfertë ndaj PSV. Një ndeshje e dominuar totalisht nga “Topçinjtë” nga fillimi në fund, ashtu siç e tregon dhe vetë rezultati.
Goli i parë i takimit erdhi në minutën e 17-të, ishte Jurrien Timber që shënoi me kokë pas asistit të Declan Rice. Në minutën e 20-të shënoi adoleshenti Nwaneri, i cili është vetëm 17 vjeç, pas asistit të një tjetër djaloshi si Lewis-Skelly.
Ethan Nwaneri, 17 vjeç e 348 ditë, është lojtari më i ri i Arsenalit që shënon një gol në fazën me eleminim direkt në Champions League dhe i treti më i ri në përgjithësi në këtë kompeticion pas Bojan Krkic në vitin 2008 (17 vjeç, 217 ditë) dhe Jude Bellingham në vitin 2021 (17 vjeç, 289 ditë).
Në minutën e 30-të, “Topçinjtë” shënuan edhe golin e tretë me Merino-n, i cili sot luajti si qendërsulmues në një pozicion që nuk është aspak i tij, por e bëri mjaft mirë detyrën. Anglezët priten disa minuta derisa erdhi konfirmimi i VAR-it dhe goli i spanjollit u quajt i rregullt.
Në minutën e 43-të, arbitri akordon penallti, pas një ndërhyrjeje të gabuar ndaj Luuk de Jong. 11-metërshin e merr përsipsër Noa Lang, i cili e ekzekuton saktësisht duke ngushtuar shifrat në 1-3, rezultat me të cilin u mbyll edhe pjesa e parë.
Pjesa e dytë nisi vrullshëm për “Topçinjtë” që shënuan 2 gola në dy minuta. Në minutën e 46-të ishte Odegaard që dërgoi topin në rrjetë. Një minutë më pas, kundërsulm i shpejtë i “Topçinjve”, Calafiori asiston për Trossard, i cili shënon golin e pestë për Arsenal.
Në minutën e 72-të, do të ishte sërish norvegjezi Odegaard, i cili aps një topi të marrë në mesfushë nga Merino, bëri vetë gjithçka mirë dhe shënoi golin e dytë personal dhe të gjashtin për Arsenal. Në minutën e 85-të do të ishte radha e Odegaard për të asistuar për Calafiori-n, italiani shënon golin e shtatë të takimit.
Ndeshja mbyllet përfundimisht me shifrat 1-7. Me këtë fitore Arsenal siguron kualifikmin që në Holandë, ndeshja e kthimit në “Emirates” do jetë thjesht për statistikë. SHIKO GOLAT
Në ndeshjen tjetër në “Signal Iduna Park”, Dortmund dhe Lille u ndanë në barazim 1-1. Në minutën e 22-të ishte Karim Adeyemi, i cili zhbllokoi rezultatin me një gol shumë të bukur nga distanca, pas topit të kthyer nga goditja e këndit.
Me rezultatin 1-0 u mbyll pjesa e parë. Francezët barazuan shifrat në minutën e 67-të me anë të Haraldsson, pas asistit të David. Rezultati mbeti i pandryshuar deri në fund. SHIKO GOLAT
