Lyon fitoi 2-1 ndaj Brest ditën e sotme, në ndeshjen e vlefshme për javën e 24-të në Ligue 1. Miqtë kaluan të parët në avantazh me golin nga penalltia të Kenny Lala në minutën e 15-të, Lyon përmbysi rezultatin falë dy golave të Lacazette në minutat 24′ dhe 82′.
Në minutat e fundit të ndeshjes ndodhi një episod aspak i zakontë, ku trajneri i Lyon, Paulo Fonseca, u ndëshkua me karton të kuq nga arbitri, pasi debatoi me fjalë me të dhe madje arriti deri aty sa gati të përplaseshin kokë më kokë. SHIKO VIDEON
Portugezi kërkoi falje pas ndeshjes duke thënë se ajo që kishte bërë “ishte një gjë e gabuar”. Mediat franceze raportojnë se Fonseca do dënohet nga 7-10 ndeshje për gjestin që bëri ndaj arbitrit kryesor.
