Pas largimit nga Barcelona, edhe pse ka pasur disa oferta, Xavi, ka preferuar të qëndrojë “pushim”, por jo dhe për shumë gjatë. Relevo raporton se Xavi do rikthehet në aksion për sezonin e ri dhe më shumë gjasa ai do jetë trajneri i ri i Manchester United.
Drejtuesit e “Djajve” janë të pakënaqur me portugezin Ruben Amorim, i cili pritet të largohet në fund të sezonit aktual, duke parë rezultatet e dobta të United këto javë.
Relevo shkon më tutje duke pretenduar që kanë nisur negociatat mes Xavi-t dhe përfaqësuesve të Manchester United. Xavi është dëshira e madhe e aksionerit të ri Sir Jim Ratcliffe, i cili beson se spanjolli është trajneri i duhur për të drejtuar projektin e ri të Manchester United dhe për t’i rikthyer “Djajtë e Kuq” te suksesi, që mungon prej vitesh.
