Jurgen Klopp është një nga trajnerët më të mirë në botë dhe madje shpesh lakohet si më i miri, por ka një pikë të dobët: nuk është mjaftueshëm efikas në merkato ose nuk e merr parasysh atë.
Gjermani mund të punojë me këdo dhe mund të zhvillojë të gjithë profilet e lojtarëve që i vë në dispozicion, por në përzgjedhjet e tij personale ka raste kur ka dështuar.
Mediat angleze zbulojnë një prapaskenë të kohës kur ai drejtonte Liverpool. Klopp kishte menduar një emër jo edhe aq të njohur për kohën si një opsion për të zëvendësuar Mohamed Salah.
Salah, i transferuar në “Anfield” në vitin 2017, është një nga legjendat e klubit, por Klopp kishte nuhatur se egjiptiani mund të largohej.
Emri i përzgjedhur nga Klopp si pasues i Salah ishte Antony. Braziliani asokohe luante tek Ajax, kurse kalimin në Premier League e bëri në 2022, duke u transferuar për 82 mln euro te Manchester United.
