Real Madrid ka vetëm një synim madhor për qendrën e mbrojtjes dhe ai është William Saliba. Francezi sot renditet si një nga tre qendërmbrojtësit më të mirë në botë, në mos më i miri.
Saliba luan tek Arsenali, ku është titullar i padiskutueshëm dhe shtyllë e ekipit. Kontrata e tij aktuale në Londër skadon në vitin 2027 dhe ende nuk ka sinjale rinovimi për më tej.
Los Blancos kanë një plan A dhe një plan B për Salibën. Klubi po mendon që të pengojë rinovimin e tij dhe ta bindë për t’u transferuar falas në verën e vitit 2027, ose të shitet pas një viti, kur kostoja e tij zbritet.
Saliba iu bashkua Arsenalit nga Saint-Etienne në vitin 2019. Ai fillimisht u huazua te Marseille, para se të kalonte përfundimisht në skuadrën e parë të londinezëve.
