Miliarderi Elon Musk ka konfirmuar lindjen e fëmijës së tij të 14-të, Seldon Lycurgus, me Shivon Zilis, një nga drejtueset e kompanisë së tij Neuralink.
Çifti, i cili më parë ka mirëpritur binjakët Strider dhe Azure (3 vjeç) si dhe vajzën Arcadia (1 vjeç), ka zgjeruar edhe më tej familjen e tyre.
Lajmin e bëri të ditur vetë Zilis në platformën X, duke shkruar: “Diskutuam me Elon Musk dhe, duke pasur parasysh ditëlindjen e bukur të Arcadia-s, ndjemë se ishte më mirë ta ndajmë drejtpërdrejt edhe lajmin për djalin tonë të mrekullueshëm, Seldon Lycurgus. I ndërtuar si një titan, me një zemër të madhe prej ari. E duam aq shumë.”
Ky lajm ka ardhur ndëkohë që miliarderi ndodhet mes një procesi gjyqësor me influenceren e cila pretendon se është bërë nënë me fëmijën e 13-të të Musk.
