Departamenti i Eficencës së Qeverisë në SHBA, i udhëhequr nga besniku i Trump, Elon Musk, ka zhvilluar një seancë dëgjimore për të shqyrtuar abuzimin me fondet të USAID nëpër botë, të cilat përdoren për të ndikuar në interesat amerikane. Gjatë seancës që zgjati mbi dy orë, Shqipëria përmendet në dy raste.
Një nga raportuesit tha: “Fondacioni Shoqëria e Hapur i Soros dhe USAID financuan së bashku Institutin Lindje Perëndim. Ky institut prezantoi ndryshime në sistemin e gjykatave në Shqipëri, duke çuar në burgosjen e liderit të opozitës, Sali Berisha, dhe shuarjen e kundërshtimeve ndaj qeverisë së kryeministrit socialist Edi Rama.”
Në vijim, një tjetër përfaqësues i DOGE bëri një pyetje thelbësore: “Pse USAID është i përfshirë në financimin e ndryshimeve gjyqësore në Shqipëri, që rezultuan në burgosjen e liderit të opozitës?”
Administrata e Donald Trump ndërpreu financimin përmes USAID dhe është duke kryer një verifikim të gjerë të të gjitha programeve, ku deri tani janë konstatuar abuzime të shumta me paratë e taksapaguesve amerikanë. Po ashtu, nga ndihma amerikane përmes USAID në Shqipëri, ka përfituar edhe SPAK. Ambasada amerikane në Shqipëri shpalli disa javë më parë ndërprerjen e ndihmës përmes USAID.
