Papa Françesku, i cili është shtruar në spital për më shumë se një javë, kaloi një natë të qetë pas një krize respiratore të shtunën, kështu njoftoi Selia e Shenjtë të enjten në mëngjes.
Vaktikani bën me dije se gjatë natës gjendja e Papës ka qenë e qëndrueshme dhe se ai ndodhet në gjendje më të mirë.
“Nata kaloi e qetë, Papa Françesku po pushon“, thanë ata në një deklaratë të shkurtër herët në mëngjes, që do të thotë se nuk ka pasur sulme të reja respiratore gjatë natës.
Sot me anë të analizave laboratorike, pritet të përcaktohet nëse medikamentet që i janë administruar Atit të Shenjtë janë efektive në trajtimin e pneumonisë së dyfishtë që ai është diagnostikuar.
Në deklaratat për shtypin italian, ekspertët theksojnë se sot në ditën e dhjetë të shtrimit të Papës, vëmendje e veçantë duhet kushtuar monitorimit dhe trajtimit të insuficiencës së lehtë renale të ndodhur dje, të dielën.
