Milan po kalon periudhën më të vështirë këtë sezon. Eleminimi nga Champions ka krijuar një situatë të nderë te kuqezinjtë, ku shumica e lojtarëve duket sikur nuk kanë fare motivim në fushë.
Në sfidën e vlefshme për javën e 26-të në Serie A, kuqezinjtë u mundën 2-1 në Torino. Vendasit kaluan në avantazh që në minutën e pestë. Një keqkuptim mes Maignan dhe Thiaë, bën që topi të përfundoi në rrjetë.
Në minutën e 30-të, kuqezinjtë fituan penallti pas prekjes së topit me dorë brenda zonës nga ana e lojtarit të Torinos, por Christian Pulisic gabon nga pika e bardhë e penalltisë.
Amerikani njihet për saktësinë nga pika e bardhë, sot ishte penalltia e parë e humbur në karrierën e tij, ku 12 penalltitë e tjera i ka ekzektuar saktë. Pjesa e parë u mbyll 1-0 në favor të Torinos.
Milan barazoi shifrat me Tijjani Reijnders në minutën e 74-të, holandezi përfitoi nga një top i kthyer nga kundërshtari brenda zonës dhe e dërgoi atë në rrjetë.
Gëzimi i kuqezinjve zgjati shumë pak, Torino shënoi golin dytë në minutën e 76-të, ku Gvidas Gineitis përfitoi nga një përgjumje e mbrojtjes së Milan-it pas një faulli dhe dërgoi topin në rrjetë. Rezultati mbeti i pandryshuar deri në fund, Torino fiton përfundimisht me shifrat 2-1 ndaj Milan.
