Papa Françesku nuk është jashtë rrezikut për jetën. Kështu janë shprehur mjekët sot në një deklaratë për shtyp. Mjekët që po kujdesen për shëndetin e Atit të Shenjtë theksuan se ai flet dhe lexon, por duhet të qëndrojë në spital për aq kohë sa të jetë e nevojshme për shkak të pneumonisë së dyfishtë nga e cila vuan.
Mjekët nënvizuan gjithashtu se Papa mund të qëndrojë në spital të të paktën edhe një javë.
Po ashtu ta shtuan se zemra e Papës është në gjendje të mirë dhe se ai duhet të kapërcejë infeksionin me të cilin është diagnostikuar.
“Ati i Shenjtë ka dashur gjithmonë që të thuhet e vërteta për shëndetin e tij. Papa Françesku nuk është jashtë rrezikut. Trajtimi kërkon ditë, nëse jo javë, për të sjellë rezultate. Në këtë moment, megjithatë, jeta e tij nuk është në rrezik. Pak më parë ai kaloi njëzet minuta duke u falur në kapelë, pranë dhomës së tij”, thanë mjekët në spitalin Gemelli në Romë.
“Mendja e tij është e një pesëdhjetë vjeçari, shumë e qartë. Ne i thamë menjëherë se do të qëndronte këtu në spital për aq kohë sa të ishte e nevojshme, para se të kthehej në Vatikan”, theksoi doktori Sergio Alfieri.
