Një aksident rrugor ka ndodhur mëmgjesin e sotëm në dalje të urës së Selenicës, në rrugën e re të Kolonjës. Sipas informacioneve, një automjet ka humbur drejtimin dhe ka dalë nga rruga duke u përplasur me barrierat anësore të betonit.
Si pasojë e aksidentit, drejtuesi dhe pasagjerja e makinës, kanë mbetur të plagosur. Ata janë transportuar drejt spitalit të Korçës dhe ndodhen jashtë rrezikut për jetën.
Policia ka mbërritur në vendngjarje dhe po vijon hetimet për të zbardhur rrethanat e plota të aksidentit.
