Mauricio Pochettino e nisi në mënyrën më të keqe të mundshme aventurën e tij në stolin e Manchester United. “Djajtë e Kuq” u mundën rëndë nga Liverpooli në “Anfield”, në një ndeshje ku gjithçka u komplikua që në minutat e para.
United mbeti me dhjetë lojtarë që në minutën e 8-të, pasi Yoro u ndëshkua me karton të kuq për ndërhyrjen ndaj Isak, duke ndalur një rast të pastër shënimi. Nga goditja e lirë që pasoi, Szoboszlai realizoi golin e avantazhit për Liverpoolin.
Vetëm tre minuta më vonë, Wirtz dyfishoi rezultatin me një goditje të shkëlqyer, pas një aksioni të ndërtuar nga Ngumoha në krahun e majtë.
Pochettino reagoi duke aktivizuar Maguire për të stabilizuar mbrojtjen, por Liverpool vazhdoi të kontrollonte ndeshjen dhe të krijonte raste të shumta.
Në pjesën e dytë, Ngumoha shënoi golin e tretë, duke u bërë lojtari më i ri që realizon ndaj Manchester United në Premier League.
Goditja përfundimtare erdhi në minutën e 82-të, kur Muñoz përfitoi nga një top i lirë, kombinoi me Wirtz dhe vulosi fitoren e thellë të Liverpoolit.
Një debutim shumë i vështirë për Pochettinon, i cili mori menjëherë një panoramë të qartë të problemeve që duhet të zgjidhë te Manchester United.











