Arsenali ka marrë një tjetër lajm të keq në një moment vendimtar të sezonit. Bukayo Saka pritet të qëndrojë jashtë fushave edhe për rreth katër javë, duke shtyrë më tej rikthimin e tij në skuadër.
Lajmi është konfirmuar nga trajneri Mikel Arteta, i cili deklaroi se sulmuesi anglez vazhdon rikuperimin nga dëmtimi muskulor në kofshë. Saka ka munguar prej rreth një muaji dhe ekzaminimet e fundit kanë treguar se procesi i rikuperimit do të kërkojë ende kohë, megjithëse nuk është i nevojshëm një ndërhyrje kirurgjikale.
Kjo situatë rrezikon ta mbajë 25-vjeçarin jashtë edhe në disa përballje të rëndësishme, ndërsa mbetet e pasigurt nëse do të jetë gati përpara Krishtlindjeve.
Ndërkohë, problemet për Arsenalin nuk përfundojnë këtu. Edhe mesfushori Martin Zubimendi do të mungojë për disa javë për shkak dëmtimi, ndërsa lajmi pozitiv për Artetën është rikthimi i William Saliba.











