Kancelari gjerman, Olaf Scholz, e ka cilësuar si të gabuar dhe të rrezikshme deklaratën e presidentit Donald Trump, i cili u shpreh se udhëheqësi ukrainas, Volodymyr Zelensky, është diktator.
“Është thjesht e gabuar dhe e rrezikshme t’i mohosh Presidentit Zelensky legjitimitetin e tij demokratik,” tha Scholz për Spiegel.
“Volodymyr Zelensky është kreu i zgjedhur i shtetit të Ukrainës. Zgjedhjet nuk mund të mbahen në mes të luftës dhe është në përputhje me kërkesat e kushtetutës së Ukrainës dhe ligjeve zgjedhore. Askush nuk duhet të pretendojë të kundërtën,” vuri në dukje Scholz.
Kancelari gjermane kujtoi se ishte Rusia nën udhëheqjen e Vladimir Putin ajo që filloi luftën në Ukrainë.
“Ukraina e ka mbrojtur veten kundër një lufte të pamëshirshme agresioni ruse për gati tre vjet. Ditë pas dite”, shtoi ai.
