Pas 13 vitesh pritjeje dhe disa shtyrjeve të datës së publikimit, loja e shumëpritur Grand Theft Auto 6 ka marrë vlerësime të jashtëzakonshme nga kritikët. Sipas platformës Metacritic, e cila përmbledh vlerësimet e mediave dhe recensentëve, loja ka arritur mesataren 99 pikë nga 100, duke barazuar rekordin e mbajtur nga “The Legend of Zelda: Ocarina of Time”.
Kritikët vlerësojnë veçanërisht grafikën, botën e hapur, historinë dhe personazhet kryesore, Jason dhe Lucia. Revista IGN e cilësoi lojën si të jashtëzakonshme, ndërsa Bloomberg e përshkroi si një kryevepër. Megjithatë, disa recensentë kanë ngritur pikëpyetje nëse realizmi i madh i lojës mund të zbehë kaosin dhe argëtimin karakteristik të serisë.
Loja e zhvilluar nga Rockstar Games pritet të dalë zyrtarisht më 19 nëntor, për PlayStation 5 dhe Xbox Series X/S.











