Vlorë-Një 73-vjeçar i dënuar për veprën penale ‘Vepra të turpshme’ ka ndërruar jetë ditën e sotme në spitalin e Vlorës.
Ngjarja mësohet se ka ndodhur 09:20, informoi sot policia.
Sipas hetimeve paraprake dyshohet se i burgosuri ka vdekur për shkaqe natyrale.
“Më datë 16.10.2024, rreth orës 09:20, në spitalin e Vlorës, ka humbur jetën shtetasi B. Ll., 73 vjeç, banues në Vlorë, paraprakisht dyshohet për shkaqe natyrale. 73-vjeçari ishte dërguar për ndihmë mjekësore në këtë spital, nga shërbimet e IEVP Vlorë, ku vuante dënimin për veprën penale Vepra të turpshme”, thuhet në njoftimin e policisë.
Po punohet për zbardhjen e plotë të rrethanave të rastit dhe për përcaktimin e shkakut të humbjes së jetës.
