Sfida mes Shqipërisë dhe Finlandës do të luhet përpara tribunave të mbushura në “Air Albania”.
Të gjitha biletat për ndeshjen e 12 nëntorit, e vlefshme për UEFA Nations League, janë shitur, duke konfirmuar interesin e madh të tifozëve për Kombëtaren.
Kuqezinjtë do të zbresin në fushë në orën 20:45, me mbështetjen e një stadiumi të mbushur plot në një nga ndeshjet më të rëndësishme të grupit.
Shqipëria kryeson aktualisht Grupin C1 me 9 pikë pas katër ndeshjeve dhe synon të vazhdojë ecurinë pozitive për të ruajtur vendin e parë.
Prania masive e tifozëve pritet të jetë një shtysë e rëndësishme për skuadrën në përballjen ndaj Finlandës.
