Kryeministri Edi Rama i është përgjigjur komentuesëve të rrjeteve sociale nga Gjermania, teksa njëri prej tyre i kërkon dorëheqjen pasi ai dhe qeveria e tij kanë vjedhur shtetin.
“Populli kur erdhe ti kishte besim, po dolët të gjithë hajdutë. Thua nuk kam përgjegjësi kush vjedh, është njësoj si ai trajnjeri që skuadra vetëm humb dhe të thotë nuk mbaj përgjegjësi. Dhe mos të kesh vjedhur, ti prap ske më moral jep dorëhejqen”, shkruan komentuesi.
Në përgjigje të këtij komenti, Rama ka përmendur reforën në drejtësi si dhe të gjithë anëtarët e qeverisë së tij, të cilët për shkak të shkeljeve të ligjeve tashmë janë në duart e drejtësisë. Gjithashtu ai komentoi dhe deklaratat e Berishës për t’i dhënë fund insitucionit të SPAK, ndërsa sipas Ramës kjo nuk ka për të ndodhur kurrë pasi opozita do të përballet përsëri me humbjen në zgjedhjet parlamentare të 11 majit.
Rama: Dhe para se të bëhej Reforma në Drejtësi reagimi ishte marrje në mbrojtje, pengim i çdo mjeti të drejtësisë dhe linçim publik i njerëzve të Drejtësisë. Ata që duan ta kthejnë përmbys reformën janë përballë nesh me përbetimin publik se më 11 Maj po ju dhatë votën do të reagojnë duke e shkrirë fare SPAK-un. Natyrisht skanë për të marrë votën dhe SPAK-ut nuk kanë ça i bëjnë farë. Mbetemi të pa lëkundur në Drejtësinë e re dhe Drejtësia të bëjë punën e saj në pavarësi të plotë.
