Ministria e Shëndetësisë ka bërë të ditur bilancin paraprak të të lënduarve gjatë protestës së sotme në Tiranë.
Sipas të dhënave nga strukturat spitalore dhe poliklinikat, në total janë paraqitur për ndihmë mjekësore 13 persona.
Në Spitalin Universitar të Traumës janë paraqitur 9 të lënduar, mes tyre 7 protestues dhe 2 përfaqësues të medias.
Njëri prej protestuesve, i riu qe godit ne sy me plumb gome po i nënshtrohet ekzaminimeve, ndërsa ndodhet jashtë rrezikut për jetën.
Sipas Ministrisë së Shëndetësisë, 5 prej të lënduarve kanë lënë spitalin pasi kanë marrë trajtimin e nevojshëm, ndërsa 4 protestues vijojnë ekzaminimet dhe trajtimin mjekësor.
