Emiliano Martinez ka qetësuar tifozët e Chelsea pas dëmtimit të rëndë të pësuar në ndeshjen e Premier League ndaj Evertonit.
Portieri argjentinas pësoi një frakturë në nofull pas një përplasjeje të fortë me mbrojtësin e Evertonit, Jarrad Branthwaite, gjatë fitores 2-0 të londinezëve.
Martinez mori ndihmën e stafit mjekësor në fushë, përpara se të largohej me barelë dhe të transportohej në spital për ekzaminime të mëtejshme.
Kontrollet konfirmuan frakturën në nofull dhe portieri 33-vjeçar iu nënshtrua një ndërhyrjeje kirurgjikale.
Pas operacionit, Martinez publikoi një foto nga spitali dhe konfirmoi se gjithçka kishte shkuar mirë.
“Gjëja më e rëndësishme janë tri pikët dhe porta e paprekur. Do të rikthehem pas pak javësh!”, shkroi argjentinasi.
Martinez iu bashkua Chelsea nga Aston Villa më 30 gusht 2026, duke firmosur një kontratë trevjeçare dhe duke u vendosur shpejt si zgjedhja e parë për portën e skuadrës londineze.
Tashmë Chelsea do të duhet të bëjë pa të për disa javë, ndërsa Martinez nis periudhën e rikuperimit pas operacionit.
