Analisti Fatos Lubonja, ka komentuar deklaratat e kryeministrit Edi Rama pas arrestimit të kryebashkiakut të Tiranës, Erion Veliaj, duke ‘zbërthyer’ mesazhet e sulmeve të kreut të qeverisë.
Sipas Lubonjës, objekt i sulmeve kanë qenë elementë armiq brenda SPAK dhe sipas tij, kryeminstri bëri thirrje që këta elementë armiq të likuidohen.
“Ai nuk sulmoi SPAK-un, por një gjyqtar, një prokuror dhe një dosje. Qasja e tij është sikur zbulohen elementë armiq brenda SPAK dhe bëri thirrje që këta elementë armiq të likuidohen”, tha Lubonja. “Kishte disa gjyqtarë që nuk kishin guxuar të kishin marrë dosjen…Rama do të pastrojë SPAK-un dhe nga këta elementë “armiqësor””, përfundoi ai.
I ftuar në News 24, Lubonja thotë se kryeministri premtoi se pas zgjedhjeve do bëjmë drejtësinë e vërtetë, ndërsa shton se projekti i tij “ka qenë një drejtësi që e bëjmë ne dhe e garantojmë ne, pra drejtësia e partisë, drejtësia popullore quhej dikur”.
Lubonja: Rama është po ai që ka qenë, projekti i tij është po ai. Ai ka synuar të kontrollojë drejtësinë, dhe e ka bërë. Shkalla e këtij kontrolli mbetet relative, se dhe në kohën e Enver Hoxhës nuk ishte shkalla njësoj. Nga qasja që tregoi Rama tani, e nxori qartazi projektin e tij. Projekti i tij ka qenë një drejtësi që e bëjmë ne dhe e garantojmë ne, pra drejtësia e partisë, drejtësia popullore quhej dikur.
Kjo drejtësi jep garanci që nuk preket kapoja e kësaj pune, që është vetë Rama. Por, njëkohësisht duhet të bëjë edhe atë fasadën që kapën dhe ca këtej ca andej… Pse nxori kryet ai? Po t’i dëgjoje fjalët, janë tipike të asaj kohe. Ai nuk sulmoi SPAK-un, por një gjyqtar dhe një prokuror dhe një dosje. Qasja e tij është sikur zbulohen elementë armiq brenda SPAK dhe bëri thirrje që këta elementë armiq të likuidohen.
Bëri një kërcënim dhe premtoi se pas zgjedhjeve do bëjmë drejtësinë e vërtetë dhe me standarde. Ky është procesi i kontrollit, u provua që SPAK është i pavarur apo nuk u provua. Është një kategori bardh e zi, ka shumë gjëra që nuk janë kaq të ndara. Këta i kanë bërë shërbime sa të duash, vëllain ia nxorën, për atë 5D-në se morën në hetim Veliajn, as për inceneratorët, këtë vetë e kanë lënë jashtë ndërkohë që brenda kanë prova sa të duash.
Veliajn e morën për gjëra personale, që nuk lidhen me sistemit. Ky u ndje i tronditur dhe pse Veliajn e kishte braktisur. Hipotezë më bindëse për mua është se ky e kishte lëshuar, e donte mbrapa zgjedhjeve e ta lëshonte fare, por për arsye se duhen hetuar, këta të SPAK vepruan më parë.
Kishte disa gjyqtarë që nuk kishin guxuar të kishin marrë dosjen. Nuk mendoj se guxojnë gjyqtarë që janë afër PD të shkelin ligjin ndërkohë që pushtetin e ka Rama. Rama do të pastrojë SPAK-un dhe nga këta elementë “armiqësor”.
