Juristi Ylli Manjani ka deklaruar se arrestimi i kryebashkiakut të Tiranës, Erion Veliaj ka sjellë kaos në PS.
Sipas Manjanit, arrestimi nuk se ishte i papritur, por mendohej i pabesueshëm.
‘Në jetën publike, Erion Veliaj nuk ka qenë njeri i pëlqyer dhe kushdo që merr përsipër të flasë rreth ngjarjes që të asociohet me Veliajn është i kritikueshëm.
Në jetën publike ky personazh ka provokuar jo dashamirësi.
Një gjë është e vërtetë që brenda PS-së ka një trullosje masive pas arrestimit. Jo se ishte i papritur, por i pabesueshëm. Kur u konfirmua unë vetë kam kontaktuar me disa personazhe dhe kam vënë re që ka një trullosje.Çfarë po ndodh, po kontribuojmë që të shkojmë në burg, thonë ata te oborri? Dhe kjo provokon reagime nervoze dhe paqartësi edhe pse mendoj se Rama me këto lëvizjet e tij kaotike ka dhënë disa mesazhe.
Asnjë skenar nuk përjashtohet.
Dua të ndaj dy gjëra. Kur thua arrest është një ngjarje shokuese, emergjence, e menjëhershme. Ky është kuptimi klasik i arrestit. Kur fillon e merresh me diçka të së shkuarës, që e merr me terezi, që ka kohë, vendos interpretimin më shumë se faktin e provës, arresti vihet në pikëpyetje dhe kjo është pikëpamja ime, pavarësisht nga njeriu që është përballë.
Më vjen shumë mirë. E mbani mend dikur që thoshte Rama, marr frymë thellë? Ky është momenti që të marrim ne tani frymë thellë. Sepse po ju ndodh atë që i kanë bërë të tjerëve.
Masa e arrestit me burg është ekstreme, e cila merret ose në flagrancë, ose në rrethana jashtëzakonisht specifike, sepse nuk ke rrugë tjetër’, tha ndër të tjera, Ylli Manjani në SYRI TV
