PSG ka fituar 3-0 ndaj Brest në “Stade de Roudourou” në ndeshjen e parë për play-off në Champions League. Ndeshja u luajt në stadiumin e Guingamp, sepse “Francis-Le Ble” i Brest, nuk plotëson kushtet e UEFA-s dhe ndaj u luajt diku tjetër.
Përsa i përket takimit, parisienët dominuan që nga minuta e parë dhe nuk e lanë kundërshtarin të rrezikonte për asnjë moment. Pas një prekje të topit me dorë brenda zonës, arbitri akordon penallti, e cila ekzekutohet saktë nga Vitinha në minutën e 20-të.
Në fund të pjesës së parë ishte i zakonshmi Ousmane Dembele që shënoi një gol shumë të bukur, duke i çuar shifrat në 0-2 për ekipin e drejtuar nga Luis Enrique.
Ishte sërish Dembele në minutën e 66′, që shënoi golin e tretë për PSG-në dhe të dytin personal. Ndeshja mbyllet 0-3 për PSG-në, e cila hedh një hap të sigurt për fazën tjetër. SHIKO GOLAT
