Kylian Mbappé vazhdon rikuperimin pas dëmtimit të pësuar me Francën ndaj Turqisë, ku u detyrua të largohej nga fusha për shkak të dhimbjeve në gjurin e majtë.
Pas ekzaminimeve në Madrid, sulmuesi u diagnostikua me hiperekstension të kapsulës së pasme të gjurit të majtë, me një periudhë rikuperimi rreth dy javë.
Te Real Madridi nuk duan të marrin asnjë rrezik me francezin. Për këtë arsye, aktivizimi i tij ndaj Villarrealit më 10 tetor mbetet në dyshim, ndërsa objektivi kryesor është që Mbappé të jetë plotësisht gati për El Clásicon ndaj Barcelonës më 25 tetor.
Sipas raportimeve, plani i rikuperimit është koordinuar mes lojtarit, stafit të José Mourinhos dhe mjekëve të klubit. Edhe udhëtimi i tij në Paris është miratuar nga klubi, pasi në këtë fazë të rikuperimit konsiderohet i mjaftueshëm pushimi aktiv.
Mbappé pritet të rrisë ritmin e rikuperimit javën e ardhshme, por pa presion për t’u rikthyer menjëherë në fushë.
