Zinedine Zidane ka dhënë lajme shqetësuese për gjendjen e Kylian Mbappé pas dëmtimit të pësuar në ndeshjen ndaj Turqisë. Trajneri i Francës deklaroi se problemi në gjurin e majtë nuk po evoluon mirë dhe se zgjidhja më e sigurt është rikthimi i sulmuesit në Madrid.
“Fatkeqësisht, dëmtimi i Mbappé nuk po përmirësohet. Mendoj se do të duhet të kthehet në Madrid. Nuk do të marrim asnjë rrezik. Pësoi një hiperekstension të gjurit gjatë goditjes dhe fakti që nuk mund të vazhdonte nuk është një shenjë e mirë”, deklaroi Zidane.
Mbappé ndjeu shqetësim në gjurin e majtë menjëherë pas golit të fitores ndaj Turqisë. Ai provoi të rikthehej në fushë, por pas pak minutash kërkoi zëvendësimin dhe u largua duke çaluar.
Sulmuesi i Real Madridit do t’u nënshtrohet ekzaminimeve të tjera në orët në vijim për të përcaktuar shkallën e dëmtimit dhe kohën e mundshme të rikuperimit.
