Një aksident i rëndë me pasojë vdekjen e një 60-vjeçareje është shënuar mëngjesin e sotëm në aksin rrugor Bradashesh-Peqin.
Sipas policisë, automjeti me drejtues një 47-vjeçar nga Papri ka përplasur këmbësoren, e cila ende nuk është identifikuar. Përplasja ka qenë fatale për gruan, e cila ka humbur jetën në vendngjarje.
Pas aksidentit, drejtuesi i automjetit është shoqëruar në Komisariatin e Policisë për veprimet e mëtejshme procedurale.
Ndërkohë, grupi hetimor, nën drejtimin e Prokurorisë, ka nisur punën për zbardhjen e plotë të rrethanave të ngjarjes.
Njoftimi i policisë
Elbasan/Informacion paraprak
Mëngjesin e sotëm, në aksin rrugor “Bradashesh-Peqin”, automjeti me drejtues shtetasin F. Q., 47 vjeç, banues në Papër, ka aksidentuar një shtetase këmbësore, rreth 60 vjeçe, ende e paidentifikuar, e cila, si pasojë ka humbur jetën në vendngjarje.
Drejtuesi i automjetit u shoqërua në Komisariat, për kryerjen e veprimeve të mëtejshme procedurale.
Grupi hetimor, nën drejtimin e Prokurorisë, vijon punën për përcaktimin e plotë të rrethanave dhe shkakut të aksidentit, si dhe për identifikimin e shtetases që ka humbur jetën.
