Sytë e futbollit spanjoll do të jenë sot nga Madridi, ku Atlético dhe Real Madrid përballen në një nga ndeshjet më të mëdha të sezonit. Derbi do të luhet në “Riyadh Air Metropolitano” duke nisur nga ora 16:15.
José Mourinho pritet të rikthejë Jude Bellingham në formacion pas nisjes nga stoli ndaj Elches. Anglezi ka regjistruar tre gola dhe tre asistime në fillimin e këtij sezoni të La Ligës, por ende nuk ka arritur të shënojë në një derbi ndaj Atlético Madridit.
Te Real Madridi, dilema kryesore e Mourinhos është mes Arda Güler dhe Diomande, ndërsa Valverde dhe Tchouaméni pritet të formojnë dyshen e mesfushës.
Në krahun tjetër, Diego Simeone do të jetë pa Sorloth dhe Barrios, por rikuperon Julián Álvarez. Ende mbetet për t’u parë nëse argjentinasi do ta nisë ndeshjen nga minuta e parë.
Atlético mbështetet edhe te forma e shkëlqyer e Jan Oblak, i cili ka luajtur çdo minutë këtë sezon dhe ka regjistruar tre ndeshje pa pësuar gol. Gjithçka është gati për një tjetër kapitull të nxehtë të derbit madrilen.
