Situata mes JJ Gabriel dhe Manchester United po bëhet gjithnjë e më e tensionuar. Talenti 15-vjeçar, i cili ka kërkuar largimin nga klubi, nuk do të luajë me ekipin U21 në ndeshjen e Premier League 2 ndaj Brentfordit, sipas BBC Sport.
Gabriel kishte qenë pranë grumbullimit të parë me skuadrën e Michael Carrick për Kupën e Ligës, por më pas u hoq nga lista. Në Angli raportohet se pakënaqësia për minutat e pakta ka ndikuar në situatë, ndërsa lojtari nuk po stërvitet aktualisht me pjesën tjetër të skuadrës.
Burime pranë Manchester United besojnë se çështja mund të zgjidhet, por njerëzit pranë lojtarit dyshohet se mendojnë se ai mund të mos luajë më për klubin. Kjo situatë ka shtuar edhe më shumë interesin e Real Madridit, që prej kohësh po e ndjek nga afër sulmuesin e ri.
Rasti ka sjellë reagime edhe nga legjendat e United. Gary Neville kritikoi mënyrën se si përfaqësuesit e lojtarit kanë menaxhuar çështjen, ndërsa Roy Keane ishte më i drejtpërdrejtë: “Nëse je 15 vjeç dhe po flet për ekipin e parë të Manchester United, prit pak.”
Keane kujtoi gjithashtu se United vetë ka marrë shpesh talente 14-15-vjeçare nga klube më të vogla, duke shtuar se tani mund t’i ndodhë e njëjta gjë me Real Madridin dhe JJ Gabriel.
