KORÇË- Tre të rinj kanë rënë në prangat e policisë gjatë një operacioni antidrogë të zhvilluar mbrëmjen e djeshme në Korçë. Ata u kapën pranë Qafë Thanës duke transportuar me automjet rreth 6 kilogramë lëndë narkotike kanabis.
Operacioni u zhvillua nga strukturat e Hetimit të Drejtorisë Vendore të Policisë Korçë. Sipas burimeve, dy prej të arrestuarve janë nga Tirana dhe një nga Lezha.
Gjatë kontrollit të automjetit me të cilin udhëtonin, policia gjeti në bagazh rreth 6 kilogramë kanabis, ndërsa njërit prej pasagjerëve iu gjet edhe një qese e vogël me lëndë narkotike në xhep.
Krahas drogës, në cilësinë e provës materiale u sekuestruan edhe automjeti, shuma parash në euro dhe lekë, si dhe aparate celulare.
Në pranga ranë dy të rinj nga Tirana dhe një nga Lezha. Policia vijon hetimet për zbardhjen e plotë të rrethanave të ngjarjes dhe për të përcaktuar nëse ka persona të tjerë të përfshirë.
