Trafiku i anijeve në ngushticën strategjike të Hormuzit ka rënë ndjeshëm pas përshkallëzimit të sulmeve në Lindjen e Mesme.
Sipas të dhënave të Kpler, vetëm 4 anije transporti mallrash kaluan në ngushticë të hënën, kundrejt 10 një ditë më parë. Para nisjes së luftës, në këtë rrugë kalonin mesatarisht rreth 125 anije në ditë.
Situata po rrit shqetësimet për furnizimin global me naftë dhe gaz. Edhe trafiku në ngushticën e Bab el-Mandeb ka rënë. Ndërkohë, bisedimet mes vendeve arabe të Gjirit dhe Iranit për sigurinë e kalimit detar janë shtyrë.
