Arda Güler është shumë pranë rinovimit me Real Madridin. Sipas Fabrizio Romano, klubi madrilen ka arritur marrëveshjen e plotë me përfaqësuesit e 21-vjeçarit dhe tashmë pritet vetëm firma.
Kontrata e re pritet të jetë e vlefshme të paktën deri në vitin 2031, ndërsa Romano raporton se marrëveshja mund të zgjasë deri në vitin 2032. Në këtë rast, vetëm Yan Diomande, i cili ka kontratë deri në vitin 2033, do të kishte një marrëveshje më të gjatë në skuadër.
Güler kishte firmosur fillimisht deri në vitin 2029 pas transferimit nga Fenerbahçe për 28 milionë euro. Tashmë statusi i tij në Madrid ka ndryshuar ndjeshëm dhe rinovimi pritet të shoqërohet edhe me një rritje të konsiderueshme page, nga rreth 5 milionë euro që raportohet se përfiton aktualisht.
Në fushë, turku është kthyer në një nga lojtarët më të rëndësishëm të Real Madridit. Sezonin e kaluar regjistroi 20 kontribute në gola në 51 ndeshje, ndërsa nën drejtimin e José Mourinhos e ka nisur sezonin si një nga zgjedhjet kryesore të formacionit.
