Bayern Munich nuk jep garanci për të ardhmen e Michael Olise përtej këtij sezoni. CEO i klubit, Jan-Christian Dreesen, shmangu premtimet se francezi do të qëndrojë në “Allianz Arena” edhe pas verës së ardhshme.
“Në këtë biznes është e vështirë të bësh premtime. A do të mund ta mbajmë përgjithmonë? Do ta diskutojmë sërish verën e ardhshme”, deklaroi Dreesen për Sport1.
Fjalët e tij vijnë në një moment kur Real Madridi vazhdon të përmendet si një nga klubet më të interesuara për Olise. Dreesen, megjithatë, sqaroi se Bayern nuk kishte marrë oferta konkrete gjatë merkatos së fundit.
Pavarësisht pasigurisë për të ardhmen, drejtuesi bavarez e vlerësoi maksimalisht 24-vjeçarin: “Olise është shumë i rëndësishëm për këtë skuadër. Ai është një magjistar në fushë.”
