Zjarret e përmasave të mëdha që kanë përfshirë disa zona të Fierit kanë shkaktuar një re të dendur tymi, e cila ka arritur deri në qytetin e Vlorës.
Shtëllungat e tymit janë bërë të dukshme në hyrje të qytetit, ku një pjesë e qiellit është nxirë si pasojë e flakëve që vijojnë të përhapen në fshatrat e bashkisë fqinje.
Ndërkohë, situata nga zjarret në Fier mbetet alarmante. Disa vatra vijojnë të jenë aktive dhe problematike, duke vënë në rrezik banesa dhe sipërfaqe të tjera.
Për shkak të përhapjes së flakëve, banorë të zonave të prekura janë evakuuar, ndërsa forcat zjarrfikëse vijojnë ndërhyrjet për vënien nën kontroll të situatës.
Sipas raportimeve, deri më tani zjarri ka djegur djetëra hektarë tokë me bimësi, 3 banesa, ndërsa rrezikohet edhe një biznes.
