Një turist është shpëtuar pas një aksidenti në zonën e Kaprres, në Njësinë Administrative Shalë të Shkodrës, ku kishte rënë në një humnerë teksa eksploronte terrenin.
Pas nxjerrjes nga humnera, u konstatua se ai kishte pësuar frakturë në këmbë. I plagosuri është transportuar me helikopter drejt Spitalit të Traumës në Tiranë, ku po merr trajtimin mjekësor.
Turisti ishte duke eksploruar zonën së bashku me katër persona të tjerë, të cilët sipas autoriteteve nuk kanë pësuar dëmtime dhe ndodhen në gjendje të mirë shëndetësore.
