Aston Villa ka kompletuar transferimin e Leon Goretzka, i cili vjen me parametra zero pas përfundimit të kontratës me Bayern Munich.
Mesfushori 31-vjeçar largohet nga Bayerni pas tetë sezonesh, gjatë të cilave zhvilloi 312 ndeshje dhe shënoi 51 gola. Me klubin bavarez ai fitoi shtatë tituj kampionë dhe Champions League në vitin 2020.
Goretzka ishte për vite me radhë një nga pikat kryesore të mesfushës së Bayernit, por në sezonet e fundit humbi hapësira, ndërsa konkurrenca nga lojtarët më të rinj e shtyu gjithnjë e më larg formacionit titullar.
Te Aston Villa, Unai Emery fiton një lojtar me shumë eksperiencë, i aftë të luajë në disa role në mesfushë dhe të kontribuojë edhe në fazën sulmuese. Transferimi vjen në një moment kur Villa kërkon përforcime pas disa largimeve të rëndësishme dhe dëmtimit të Amadou Onana.
