Departamenti amerikan i Shtetit ka miratuar shitjen e mundshme të sistemit të armëve të drejtuara me precizion APKWS-II dhe pajisjeve të lidhura me të për Italinë, në një marrëveshje me vlerë rreth 364 milionë dollarë.
Sipas autoriteteve amerikane, pajisjet do të forcojnë aftësitë e Italisë për mbrojtjen ajrore dhe do të rrisin kontributin e saj në sistemin e integruar të mbrojtjes ajrore dhe raketore të NATO-s.
Kontraktori kryesor i marrëveshjes do të jetë kompania amerikane BAE Systems. Megjithatë, bëhet fjalë për një shitje të mundshme, që do të thotë se miratimi amerikan nuk nënkupton automatikisht se kontrata është përfunduar.
