Një ngjarje e pazakontë u regjistrua pasditen e djeshme në zonën e “21 Dhjetorit” në Tiranë, ku një qytetar ka dëmtuar me grusht xhamin anësor të një autobusi. Ndërkohë blutë e Tiranës bëjnë me dije se kanë arrestuar ditën e sotme shtetasin 33 vjeçar, i cili pa snjë konflikti me motive të dobëta me shoferin e autobusit theu xhamin.
“Ky shtetas dyshohet se gjatë pasdites së djeshme, në rrugën “Muhamet Gjollesha”, pas një konflikti verbal për motive të dobëta me drejtuesin e një autobusi, e ka fyer atë, ka bërtitur dhe më pas ka thyer me grushte, xhamin e parmë të autobusit dhe xhamin e derës së tij”, lajmëron policia
Pamjet e publikuara në rrjetet sociale kapin një moment tensioni pranë mjetit, ku disa persona janë grumbulluar pranë derës së autobusit. Në video dallohet qartë shtetasi Ç. K me veshje të zeza që i afrohet urbanit dhe godet me forcë xhamin anësor, i cili thyhet menjëherë nga goditja. Pas veprimit, autori u largua nga vendi i ngjarjes.
Njoftimi i policsë:
Menjëherë pas marrjes së njoftimit, specialistët për Hetimin e Krimeve të Komisariatit të Policisë Nr. 2 kryen veprimet hetimore dhe procedurale për rastin dhe në përfundim të tyre arrestuan në flagrancë shtetasin Ç. K., 33 vjeç, për veprat penale “Shkatërrimi i pronës” dhe “Prishja e qetësisë publike”
Ky shtetas dyshohet se gjatë pasdites së djeshme, në rrugën “Muhamet Gjollesha”, pas një konflikti verbal për motive të dobëta me drejtuesin e një autobusi, e ka fyer atë, ka bërtitur dhe më pas ka thyer me grushte, xhamin e parmë të autobusit dhe xhamin e derës së tij.
Materialet procedurale i janë referuar Prokurorisë, për veprime të mëtejshme.
