Një skandal institucional dhe me karakter dinjitetin kombëtar është regjistruar pasditen e sotme gjatë një aktiviteti në bashkinë e Pustecit.
Bëhet e ditur se gjatë një aktiviteti në Pustec ku u zhvillua Festivali Folklorik Maqedonas, mori pjesë kryeministri i Maqedonisë së Veriut, Hristijan Mickoski.
Në hapje të këtij aktiviteti u ekzekutua vetëm himni maqedonas, ndërsa himni shqiptar mungoi. Ky është incidenti i dytë i tillë në një aktivitet në territorin shqiptar.
Në një reagim për ngjarjen, kryebashkiaku i Pustecit, Pali Kolefski, tha se kishte kërkuar paraprakisht nga organizatorët që krahas himnit maqedonas, të ekzekutohej edhe himni i Shqipërisë, ndërsa shprehet se është ndier keq për situatën dhe kërkon ndjesë, edhe pse bashkia nuk ishte organizatore e aktivitetit.
Pali Kolefski, kryebashkiaku i Pustecit :Të them të drejtën, para se të zhvillohej ky aktivitet, kam kërkuar nga organizatorët, konkretisht nga kryetari i shoqatës së VMRO Shqipëri. I kam kërkuar programin zyrtar ku më kanë thënë që ka këngë e valle tradicionale maqedonase dhe do hapet me himnin maqedonas. Ja kam kërkuar që në momentin që do ekzekutohet himni maqedonas, duhet të jetë patjetër edhe himni shqiptar sepse është në ccdo protokoll, në ccdo pritje zyrtare ose hapje të ceremonive zyrtare. Duhet patjetër të jetë dhe himni i shtetit sepse ne jemi shtetas shqiptarë, jetojmë këtu dhe duhet të respektohet himni. Kërkoj ndjesë vërtet pavarësisht se nuk më takon mua sepse skam qenë organizator si bashki e Pustecit, si organizatore e këtij aktiviteti. Kemi qenë të ftuar në këtë koncert megjithatë kërkoj ndjesë. Edhe kryeministri maqedonas nuk e priti mirë këtë. Të tre flamujt i kemi ccuar nga bashkia si simbol për miqësi midis të dy shteteve që aspirojnë për të shkuar në BE. Kam folur me kryeministrin maqedonas, ishte shumë i shqetësuar në ato momente sepse edhe unë u ndjeva shumë keq dhe e kap kapur si situatë. Por ishte një moment që s’mund të reagoja fare.
