Banorë të fshatit Mali Kolaj në Velipojë kanë denoncuar dhunimin e varreve të të parëve të tyre nga persona të papërgjegjshme ende të paidentifikuar.
Sipas banorëve në mënyrë të përsëritur janë dhunuar duke iu hapur në mënyrë barbare varret e vjetra dhe duke lënë jashtë madje edhe eshtrat e të ndjerëve.
Një nga banorët tregon sipas tij edhe arsyet se përse po dhunohen varret në këtë zonë, duke thënë se gërmuesit kërkojnë për florinj dhe sende me vlerë, pasi në traditën e hershme të zonës ka qenë që personat të cilët ndrronin jetë të varroseshin bashkë me një pjesë të pasurisë.
Banorët, që tashmë pritet të organizohen duke bërë roje dhe duke vendosur kamera, u bëjnë thirrje autorëve të këtyre akteve barbare të ndalojnë menjëherë përpara se të jetë vonë.
