Harry Kane ka marrë për herë të dytë “Këpucën e Artë”, pasi e mbylli sezonin 2025/26 si golashënuesi më i mirë me 36 gola në kampionat.
Sulmuesi anglez e cilësoi sezonin e kaluar si më të mirin e karrierës së tij dhe falënderoi Bayern Munich, stafin dhe shokët e skuadrës për kontributin në suksesin individual.
Kane veçoi gjithashtu rolin e Vincent Kompany në lojën e tij, duke shpjeguar se trajneri belg i jep lirinë të tërhiqet më poshtë për të ndihmuar në ndërtimin e aksioneve dhe më pas të shfaqet përsëri në zonën kundërshtare.
“Trajneri më lejon të zbres për të ndërtuar lojën dhe më pas të shfaqem përpara. Ndihem shumë mirë në këtë skuadër”, u shpreh Kane.
Pavarësisht çmimit individual, anglezi theksoi se synon të vazhdojë të përmirësohet dhe se fokusi i tij tashmë është te objektivat e radhës me Bayernin.
