Interi është shumë pranë transferimit të Curtis Jones nga Liverpool, në një nga lëvizjet më të rëndësishme të zikaltërve këtë verë.
Sipas Fabrizio Romano, Inter dhe Liverpool kanë arritur një marrëveshje verbale për mesfushorin anglez, me një paketë totale prej rreth 35 milionë eurosh.
Marrëveshja është arritur edhe me vetë lojtarin për kushtet personale, ndërsa hapi i radhës do të jetë kryerja e vizitave mjekësore përpara zyrtarizimit.
Inter kishte disa javë që punonte për transferimin e 25-vjeçarit dhe e konsideronte atë një nga objektivat kryesorë të merkatos. Jones pritet kështu të mbyllë aventurën e gjatë me Liverpoolin, klub ku u rrit dhe bëri debutimin me ekipin e parë.
