Tifozët e Tiranës nuk e kanë pritur mirë që sfida me Partizanin do të luhet në “Arena e Demave”. Edhe klubi Tirana nuk është se e ka marrë me qejf këtë lëvizje.
Kjo për faktin se tifozë bardheblu do të jenë shumë pak, jo më shumë se 1000, por edhe se stadiumi është i vogël. Gjithsesi, bardheblutë kanë hedhur si opsion Durrësin, por që nuk është pranuar nga Partizani.
Në Elbasan, tifozët kanë vënë veton se nuk duan të luajnë dhe kjo e ka kushtëzuar ekipin bardheblu, që këtë vit është endur nëpër Shqipëri për të luajtur një ndeshje futbolli.
Nga ana tjetër, Tirana dhe Partizani do të luajnë për herë të parë do të luajnë një ndeshje derbi në “Arena e Demave”. Kjo ndeshje është luajtur në të gjitha stadiumet e kryeqytetit dhe tani është radha të luhet në Tufinë.
